الغاز حسابية

بسم الله الرجمن الرحيم

الغاز حسابية انا نفسي مش عافة حلهم يلا نفكر فيهم مع بعض

1_كم ضعف نصف المبلغ(9723)؟

2_اذكر ثلاثة اعداد متتاليه مجموعهما(54)؟

3_هل تستطيع استعمال رقم(9) 12 مرة تتوصل الي حصيلة مدارها(3)؟

4_لخاد[8]اشقاء وشقيقات وعدد شقيقاته ضعف عدد اشقاء اختة هدي فكم عدد اشقأءه وعدد شقيقاته؟

5_قال الجد:ان عمري(56)سنة فاذا طرحت من عمري عمر حفيدي اصبح الناتج مساويا لعمر حفيدي مضروبا في نفسة.فكم عمر الحفيد؟

*****************************

وااااااااااااااااو انا بحب الالغاز الحسابيه دي جدا
يلا نبدأ الحل بسم الله الرحمن الرحيم
1_كم ضعف نصف المبلغ(9723)؟
طبعا 9723 لأن اي مبلغ هو نصف ضعف نفسو زي ما الاتنين نصف ضعفها بالظبط
يلا نروح للسؤال اللي بعدو
2_اذكر ثلاثة اعداد متتاليه مجموعهما(54)؟
نمط السؤال ده له طريقه حل اخدناها في المدرسه وهي اننا نعوض عن الرقم اللي مش عرفينو برمز (س) سين والحل هيبقى ك الاتي
54= (س )+(س +1 )+(س +2 )+(س +3 )
وبعدين مينفعش نسيب الدنيا ملخبطه كده الارقام مع الرموز لازم نحط الارقام مع بعض والرموز م بعض عشان كده بس الاول هنجمع الحدود
54= س3 +6
دلوقتي بقى هنحط الارقام مع بعض وهنخلي الرموز مع بعض عشان كده ال(6) هتروح مع ال(54) بس اللي يخرج من دارو يقل مقدارو ولازم يتبهدل عشان كده ال(6) هتروح النحيه التانيه بأشاره مخالفه
-6 +54=س3
48=س3
يبقى كده 48 = سين اس تلاته يبقى السين الوحده بكاااااااااااام؟
48÷ 3 =16
يبقى الرقم الاول هو 16 وبالتالي الرقم التاني هو 17 والرقم الثالث هو 18
ولو حبينا نتأكد
16+17+18= 51
يعني مش 54
يبقى اكيد في غلط في المسأله ههههههههههههههههههههههههه بس مش مشكله لأن احنا كده عرفنا التلت ارقام وهي 17+18+19=54
ولو حد عرف الغلط فين يا ريت يقولي
_هل تستطيع استعمال رقم(9) 12 مرة تتوصل الي حصيلة مدارها(3)؟
بصراحه انا مبفهمش في الاسأله دي خالص عشان كده يا ريت نروح للي بعدها

4_لخاد[8]اشقاء وشقيقات وعدد شقيقاته ضعف عدد اشقاء اختة هدي فكم عدد اشقأءه وعدد شقيقاته؟
انا هقولك خالد عندو تلت اخوات بنات وخمسه اوخوات ولاد
هتقولي طب ازاي كده عدد اخواته البنات مش ضعف عدد اخوات هدى البنات هقولك متنسيش ان خالد واحد من اخواتها يعني بخالد عدد اخواتها هيبقو سته واكيد خالد مش شقيق نفسو يعني ها اللغز اللي بعدو بقى
5_قال الجد:ان عمري(56)سنة فاذا طرحت من عمري عمر حفيدي اصبح الناتج مساويا لعمر حفيدي مضروبا في نفسة.فكم عمر الحفيد؟
عمر الحفيد سبع سنين
56-7=49
7×7=49
تم بفضل الله

شاطرة كبرياء شاطرة

برافو عليكي والله انا ما عرفت احلهم بس البركة فيكي

بس لسه فاضل رقم (3)

هفكر فيه بقي بس مش لوحدي يلا فكروا معايا